Home > Laws > Parliament approves upper-house-foreign-ownership សភា​អនុម័ត​ច្បាប់​កម្មសិទ្ធិ​អចលន​ទ្រព្យ​ជនបរទេស

Parliament approves upper-house-foreign-ownership សភា​អនុម័ត​ច្បាប់​កម្មសិទ្ធិ​អចលន​ទ្រព្យ​ជនបរទេស


បន្ទាប់​ពី​ពិភាក្សា​អស់​រយៈ​ពេល​បី​ថ្ងៃ​នៅ​រដ្ឋសភា និង​ការ​រៀបចំ​សេចក្ដី​ព្រាង​អស់​រយៈ​ពេល​រាប់​ឆ្នាំ​មក ច្បាប់​របស់​កម្ពុជា​ស្ដី​ពី​កម្មសិទ្ធិ​លើ​អចលនទ្រព្យ​សម្រាប់​ជន​បរទេស​ ត្រូវ​បាន​អនុម័ត​កាល​ពី​ព្រឹក​ថ្ងៃ​ចន្ទ ធ្វើ​ឲ្យ​មាន​ការ​ប្រតិកម្ម​ជា​វិជ្ជមាន​ពី​វិស័យ​អចលន​វត្ថុ​នៅ​កម្ពុជា​ ដែល​កំពុង​ធ្លាក់​ចុះ។

ដោយ​សមាជិក​សភា ៨៥​រូប​បាន​គាំទ្រ​ដល់​ការ​អនុម័ត​សេចក្ដី​ព្រាង​ច្បាប់​នេះ ហើយ​អ្នក​ជំទាស់​តែ ១១​នាក់​នោះ ច្បាប់​នេះ​សម្រាប់​ពេល​ឥឡូវ​នេះ​នៅ​តែ​រង់ចាំ​អនុម័ត​ពី​ព្រឹទ្ធសភា និង​ព្រះបាទនរោត្តម សីហមុនី តែ​ប៉ុណ្ណោះ។

លោក ​អ៊ឹម ឈុនលឹម រដ្ឋមន្ត្រី​ក្រសួង​រៀបចំ​ដែនដី​នគរូបនីយកម្ម និង​សំណង់ បាន​លើក​ឡើង​ថា  “ច្បាប់​នេះ​ផ្ដល់​នូវ​ផល​ប្រយោជន៍​ជា​ច្រើន​ដល់​សេដ្ឋកិច្ច សង្គម ច្បាប់ និង​ការ​ធ្វើ​សមាហរណកម្ម (បរិយាកាស) វិនិយោគ​របស់​កម្ពុជា​ទៅ​ក្នុង​ក្របខ័ណ្ឌ​សកលលោក និង​តំបន់”។ លោក​បាន​បន្ថែម​ទៀត​ថា ច្បាប់​នេះ​នឹង​បញ្ឈប់​ជន​បរទេស​ដែល​លែង​ឲ្យ​ទិញ​អចលនវត្ថុ​ក្រោម​ឈ្មោះ​ជន​ ជាតិ​កម្ពុជា​តទៅ​ទៀត។

អ្នក​វិភាគ​និយាយ​ថា ច្បាប់​ថ្មី​នេះ​គឺ​មាន​សារៈសំខាន់​យ៉ាង​ខ្លាំង​ដោយ​ផ្អែក​លើ​ហេតុផល​មួយ​ ចំនួន ក្នុង​នោះ​អនុញ្ញាត​ឲ្យ​ជន​បរទេស​ក្លាយ​ទៅ​ជា​ម្ចាស់​កម្មសិទ្ធិ​ចំពោះ​អគារ ​ក្រៅ​ពី​ជាន់​ផ្ទាល់​ដី ទោះបី​ជា​កម្មសិទ្ធិ​លើ​ដី​ធ្លី​សម្រាប់​ជន​បរទេស​នៅ​តែ​ហាម​ដាច់​ខាត​ក្ដី។

លោក​ អ៊ឹម ឈុនលឹម បាន​បញ្ជាក់​ទៀត​ថា ច្បាប់​នេះ​នឹង​ជួយ​បញ្ចៀស​ការ​ប្ដឹង​ប្ដល់​សាំញ៉ាំ ក្នុង​ករណី​ដែល​ជន​បរទេស​ត្រូវ​បាន​បុគ្គល​ផ្សេង​ទៀត​លួច​យក​កម្មសិទ្ធិ​ របស់​ខ្លួន នៅ​ពេល​ដែល​លិខិត​ស្នាម​ស្រប​ច្បាប់​របស់​ជន​បរទេស​រូប​នោះ បាន​ដាក់​ឈ្មោះ​បុគ្គល​ផ្សេង​ទៀត​ដែល​ជា​ជន​ជាតិ​កម្ពុជា។

លោក​ យឹម សុវណ្ណ សមាជិក​សភា​មក​ពី​គណបក្ស​សម​រង្ស៊ី បាន​បញ្ជាក់​ថា លោក​គាំទ្រ​ចំពោះ​ជំពូក​ទាំងអស់ ដូច​មាន​ចែង​នៅ​ក្នុង​សេចក្ដី​ព្រាង​ច្បាប់​ចុងក្រោយ​នោះ លើក​លែង​តែ​ជំពូក​ទី​២ មាត្រា ៦ ដែល​អនុញ្ញាត​ឲ្យ​ជនបរទេស​មាន​សិទ្ធិ​ក្លាយ​ជា​ម្ចាស់​កម្មសិទ្ធិ​លើ​អចលន​ វត្ថុ​នៅ​តំបន់​សេដ្ឋកិច្ច​ពិសេស។ លោក​បាន​បន្ថែម​ទៀត​ថា ចំណុច​នេះ​អាច​ធ្វើ​ឲ្យ​ជនបរទេស​បើក​កាស៊ីណូ​បាន។

លោក​ យឹម សុវណ្ណ បាន​មាន​ប្រសាសន៍​ថា គណបក្ស​សមរង្ស៊ី​ក៏​នៅ​តែ​បារម្ភ​អំពី​របៀប ដែល​ច្បាប់​នេះ​នឹង​ប៉ះពាល់​ដល់​កម្មសិទ្ធិ​ដីធ្លី។ លោក​បាន​ជំរុញ​ឲ្យ​រដ្ឋាភិបាល​ចេញ​កម្មសិទ្ធិ​ដី​ធ្លី ច្បាប់​ថ្មី​នេះ​មិន​អនុញ្ញាត​ឲ្យ​ជន​បរទេស​មាន​កម្មសិទ្ធិ​លើ​អចលន​ទ្រព្យ​ ក្នុង​ចម្ងាយ ៣០​គីឡូម៉ែត្រ​ពី​ព្រំដែន​របស់​ប្រទេស​កម្ពុជា​ជា​មួយ​ប្រទេស​ថៃ ឡាវ និង​វៀតណាម។

មិន​មាន​ការ​ភ្ញាក់​ផ្អើល​ឡើយ​ដែល​ភ្នាក់ងារ​អចលន​ទ្រព្យ​ស្វាគមន៍​ច្បាប់​ នេះ កាល​ដែល​វិស័យ​អចលនទ្រព្យ​មាន​ការ​លំបាក​រយៈ​ពេល ១៨​ខែ​ចុង​ក្រោយ​នេះ។

“ច្បាប់​នេះ​បង្កើន​ជំនឿ​ចិត្ត​នៅ​ក្នុង​ទីផ្សារ វា​កំណត់​អ្វីៗ​ឲ្យ​មាន​ច្បាប់”។ នេះ​បើ​តាម Daniel Parkes អ្នក​គ្រប់គ្រង​ប្រចាំ​កម្ពុជា​របស់​ក្រុមហ៊ុន​អចលន​ទ្រព្យ​លំដាប់​ពិភពលោក​ ឈ្មោះ CBRE Richard Ellis។

កាល​ពី​ថ្ងៃ​សុក្រ ក្រុមហ៊ុន CBRE ដោយ​សហការ​ជា​មួយ​ធនាគារ ANZ Royal និង​ក្រុមហ៊ុន​ស្រាវជ្រាវ Indochina បាន​ចេញ​ការ​សិក្សា​ស្ទាប​ស្ទង់​មួយ​ក្នុង​នោះ​អ្នក​ទិញ​ចំនួន ៥៥​ភាគ​រយ​បាន​និយាយ​ថា ពួកគេ​នឹង​រង់ចាំ ២​ឆ្នាំ​ទៀត ដើម្បី​វិនិយោគ​ក្នុង​ទីផ្សារ​អចលន​ទ្រព្យ ហើយ​មាន​ចំនួន​តែ​១១​ភាគរយ​ ដែលពិចារណា​ទិញ​អចលនទ្រព្យ​នៅ​ឆ្នាំ​២០១០ ដែល​នេះ​គឺ​ជា​សញ្ញា​មួយ​បង្ហាញ​ថា ឆ្នាំ​២០១១ នឹង​មាន​ស្ថានភាព​យឺត​យ៉ាវ។

លោក Parkes បាន​ថ្លែង​ថា  “៦ខែ​ក្រោយ​គឺ​ជា​ពេល​វេលា​ល្អ ដើម្បី​ទិញ​អចលនទ្រព្យ”។

សេចក្ដី​ព្រាង​ច្បាប់​មុនៗ​នៃ​ច្បាប់​នេះ​បាន​ចែង​ថា ជន​បរទេស​នឹង​អាច​មាន​កម្មសិទ្ធិ​តែ ៤៩​ភាគរយ​ប៉ុណ្ណោះ​នៃ​អគារ ដោយ​ធានា​ឲ្យ​ជន​ជាតិ​កម្ពុជា​មាន​កម្មសិទ្ធិ​ភាគ​ច្រើន គឺ​ចំនួន ៥១​ភាគរយ។ ទោះ​យ៉ាង​ណា មាត្រា​នេះ​បាន​ដក​ចេញ​ពី​សេចក្ដី​ពង្រាង​ចុងក្រោយ​ដែល​បាន​ពិភាក្សា​ដោយ​ សមាជិក​សភា។ ការ​កំណត់​តែ​មួយ​គត់​សម្រាប់​ជន​បរទេស​ដែល​បាន​អនុម័ត​ កាល​ពី​ថ្ងៃ​ចន្ទ គឺ​អនុវត្ត​តែ​លើ​អគារ​នៅ​ជាន់​ផ្ទាល់​ដី និង​កម្មសិទ្ធិ​លើ​ដី​ធ្លី។

ទោះបី​យ៉ាង​ណា អគារ​កម្ពស់​១០​ជាន់​ក្រោម​ច្បាប់​នេះ​អាច​មាន​កម្មសិទ្ធិ​ចំនួន ៩០​ភាគរយ​ដោយ​ជនបរទេស។ បើ​តាម​ច្បាប់​មុន ជន​បរទេស​អាច​មាន​កម្មសិទ្ធិ​ត្រឹម​តែ ៤៩​ភាគរយ​ប៉ុណ្ណោះ គឺ​ដូច​នៅ​ប្រទេស​ថៃ​ដែរ។ លោក Parkes មាន​ប្រសាសន៍​ថា  “បើ​ប្រៀបធៀប (នៅ​កម្ពុជា) គឺ​គួរ​ឲ្យ​ទាក់ទាញ​ជាង​ថៃ និង​វៀតណាម (សម្រាប់​ជនបរទេស)”។

លោក​ ស៊ឹង ប៊ុណ្ណា ប្រធាន​ក្រុមហ៊ុន​អចលន​ទ្រព្យ ប៊ុនណ្ណា រៀលធី បាន​យល់​ស្រប​ថា វិធានការ​ថ្មី​នេះ​នឹង​ជួយ​ទាក់ទាញ​វិនិយោគ​បរទេស​លើ​វិស័យ​អចលន​ទ្រព្យ។ លោក​បាន​ថ្លែង​កាល​ពី​ចន្ទ​ថា  “វា​ជំហាន​វិជ្ជមាន​មួយ”។

ទោះ​យ៉ាង​ណា ក៏​រដ្ឋាភិបាល​ត្រូវ​បាន​គេ​យល់​ថា នឹង​មាន​គម្រោង​ចេញ​អនុក្រឹត្យ ឬ​ប្រកាស​ដើម្បី​កំណត់​ភាគរយ​កម្មសិទ្ធិ​សម្រាប់​ជន​បរទេស ជា​វិធានការ​មួយ​ដែល​អាច​នឹង​កែសម្រួល​ងាយ​ជាង​អ្វី​ដែល​បាន​ចែង​នៅ​ក្នុង​ ច្បាប់​ដែល​ទើប​តែ​អនុម័ត​នេះ៕

Sources:

VOANews រដ្ឋសភាចាប់ផ្តើមពិភាក្សាច្បាប់ កម្មសិទ្ធិផ្ទះជនបរទេស http://www1.voanews.com/khmer/news/a-40-2010-04-01-voa9-90234257.html

Women Open សភា​អនុម័ត​ច្បាប់​កម្មសិទ្ធិ​អចលន​ទ្រព្យ​ជនបរទេស http://women.open.org.kh/km/parliament-approve-upper-house-foreign-owner

ABC Radio Australia ច្បាប់កម្ពុជាអនុញ្ញាតឲ្យជនបរទេសមានកម្មសិទ្ធិអចលនទ្រព្យ http://khmer.radioaustralia.net.au/archives/news/?p=28364

CNBC, Cambodia to let foreigners own property http://www.cnbc.com/id/36030797

Categories: Laws Tags: ,
  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: